အလုံးစုံမော်တော်ယာဉ်အာမခံလျော်ကြေးပေးအပ်ခြင်း

First National Insurance တွင် အာမခံထားငွေ ကျပ် -၂၉,၅၀၀,၀၀၀/-၊ အာမခံကြေးငွေ ကျပ် -၂၇၁,၉၈၀/- ဖြင့် အလုံးစုံမော်တော်ယာဉ်အာမခံထားရှိသည့် Suzuki Ertiga အမျိုးအစားမော်တော်ယာဉ်သည် မှော်ဘီမှ ရန်ကုန်သို့အပြန် မှော်ဘီမြို့၊ ဘောလုံးစက်ရုံအနီးတွင် လမ်းဖြတ်ကူးသော တစ်ဖက်ယာဉ်အားတိုက်မိပြီးနောက် သစ်ပင်နှင့်ထပ်မံတိုက်မိကာ မြောင်းထဲပြုတ်ကျ၍ မော်တော်ယာဉ်ထိခိုက် ပျက်စီးမှုဖြစ်ပွားခဲ့ပါသည်။

အဆိုပါထိခိုက်ပျက်စီးမှုတွင် အာမခံထားသည့်ယာဉ်ပျက်စီးမှုအား လုံးဝဆုံးရှုံးမှု (Total Loss) အဖြစ်သတ်မှတ်၍ လျော်ကြေးငွေ ကျပ် -၂၉,၅၀၀,၀၀၀/- (နှစ်ရာကိုးဆယ့်ငါးသိန်းကျပ်တိတိ) ကို FNI မှ ရန်ကုန်မြို့၊ ကုန်သည်လမ်းမရှိ FNI ရုံးချုပ်တွင် အာမခံထားရှိသူ၏ကိုယ်စားလှယ်ထံသို့ ပေးလျော်ခဲ့ပါသည်။

သောကကင်းဝေး စိတ်အေးစေနိုင် FNI